Aserbaidschanische Zahnmediziner in Deutschland e.V. (AZD)
Almaniyadakı Azərbaycanlı Diş Həkimləri Birliyi (AADH)
Almaniyada yaşayan, çalışan və karyera qurmaq istəyən azərbaycanlı diş həkimlərini bir araya gətirən ilk rəsmi birlikdir.
2019-cu ildən qeyri-rəsmi fəaliyyət göstərən AZD, artıq Aserbaidschanische Zahnmediziner in Deutschland e.V adı ilə Berlin şəhərində Amtsgericht Charlottenburg tərəfindən Vereinsregister VR 42353 B nömrəsi ilə qeydiyyata alınmışdır.
Aserbaidschanische Zahnmediziner in Deutschland e.V (AZD) Almaniyada yaşayan və fəaliyyət göstərən azərbaycanlı diş həkimlərini, diş həkimliyi sahəsində təhsil alanları və bu sahəyə bağlı peşəkarları bir araya gətirən, təhsil yönümlü, müstəqil və ictimai faydalı bir birlikdir.
Birliyimizin əsas məqsədi azərbaycanlı diş həkimlərinin Almaniyada peşəkar və sosial inteqrasiyasını dəstəkləmək, onların Almaniya cəmiyyətinə uyğunlaşmasına, peşəkar inkişafına və həmkarlararası əlaqələrinin güclənməsinə töhfə verməkdir.
AZD e.V olaraq biz Almaniyada çalışan və ya karyera qurmaq istəyən azərbaycanlı diş həkimləri üçün etibarlı bir platforma yaratmağı hədəfləyirik. Bu platforma vasitəsilə bilik və təcrübə mübadiləsi, peşəkar şəbəkələşmə, mentorluq və maarifləndirici fəaliyyətlər sistemli şəkildə həyata keçirilir.
