Gedəcəyim Bundes Land`ı necə seçim?

Hələ Azərbaycanda olduğunuz gündən Almaniyaya gəlməyi planlaşdırırsızsa, öncədən hara və nə üçün gedəcəyinizi bilməlisiz. Belə ki, Almaniyada 16 Land (Əyalət/Torpaq) var və Azərbaycandan fərqli olaraq hər birinin özünə məxsus idarəetmə sistemi, qanunları və hətta fərqli tətil, bayram günləri var. Bu da o deməkdir ki, getdiyiniz əyalətdə başladığınız bürokratik prosesin digər Landa aiddiyyəti olmayacaq. Hətta ilk başlarda aldığınız müvəqqəti ixtisas işləmə icazəsi (Berufserlaubnis) digərində keçərli olmayacaq. Bürokratik proseslər və ya başqa səbəblərdən sonradan Land dəyişmək mümkündür lakin bu zaman da aylarla vaxt itirmək ehtimalınız var. 

Landı hansı kriteriyalara görə seçməliyəm. Bu məqalə təmamilə mənim şəxsi düşüncələrimi əks etdirir (red. P.R.) əlbəttə land seçimində sərbəstsiz. Lakin müəyyən nüanslar var ki, land seçimində diqqət etməlisiz.

• İş tapma çətinliyi (vacib)

• Bürokratik proseslərin sürəti (orta)

• Sizdən tələb olunan sənəd siyahısı (vacib)

• Ansprechpartner (səlahiyyətli şəxs) məsuliyyəti (vacib)

• FSP və Approbation imtahanının keçirilmə tezliyi (Termin tapma mümkünlüyü)  (çox vacib)

• İmtahanların çətinlik dərəcəsi (hər landda fərqli imtahan prosesi ola bilir) (çox vacib)

• İmtahan və digər rüsumların yüksəkliyi (orta)

• İqtisadi və həyat bahalığı  (orta)
  
  

Aşağıda hər Land`da tələb olunan sənəd siyahıları və rəsmi dövlət qürumlarının saytlarını sizlərlə paylaşdım.