Yeni MƏZUN oldum Almaniyada necə işləyə bilərəm?

Yeni məzun olmuş kolleqa yoldaşlarımızın bir çoxu hələ universitet dövründən Alman dili öyrənməyə başlayırlar. Açığı mən də tez ayılsaydım məhz bu cür edərdim çünki artıq diplomunuz əlinizdə olanda sertifikatı çoxdan almış olursuz. Lakin unutmayın dil sertifikatı 3 il keçərlidir.  

Məzun olduqdan sonra təcrübəsiz həkimin Almaniyada gedib işləyə bilməsi üçün qarşılaşacaqları maneələr bir çox yeni bitirmiş kolleqalarımızı maraqlandıran məqamlardır. Bu məqaləmdə sizə diplomu alana qədər nələrə diqqət etsəniz Almaniyadakı karyeranıza kömək olacağını bölüşəcəm. 

Bizim ixtisasda teorik biliklərlə bərabər praktik bacarıqları da çox vacibdir. Əgər tələbəsinizsə, praktik bacarıqlarınızı inkişaf etdirin (Həkim yanında asistentliklə və. s)  çünki bu sizə Almaniyada ilk başlayacağınız klinikada özünüzü vəziyyətdən çıxartmağa imkan verəcək. Belə ki Cheflər sizi işə kənardan dayanıb xəstə ağzına baxmaq üçün götürməyəcəklər dolaysı ilə kimsə sizə buna görə maaş ödəməyəcək. 

Xəstə ilə kontaktı eləcə də təməl praktik bacarıqlarınız (iynə vurmaq, tək köklü dişlərin çəkimi, kanal girişlərini tapmaq, diş daşı təmizləmək və s) təkminləşdirməlisiz. Əlbəttə 5ci kursu bitirəndə bunlardan çox şeylər bilirsizsə, şanslı sayıla bilərsiz. 

Universitet dövrü qiymətlərinizin yaxşı olmağı sizə nə qədər kömək olacaq?! - Əgər fərqlənmə ilə bitirib qırmızı diplom almamısızsa, qiymətlərin o qədər də önəmi yoxdur. Təhsiliniz müddətində ixtisas fənn Professorunuzdan referans almaq imkanınız varsa, bunun sizə iş tapmaqda və  masterə müraciətdə köməyi dəyə bilər. Beynəlxaql konfranslara və seminarlara qatılıb sertifikat əldə bilərsiz. Almanlar universitet dövründə aktiv olan CV-si boş olmayan bir məzuna daha çox diqqət göstərir.

Hospitation - Tələbəlik dövründə Almaniyada Hopitation keçmisizsə, bu sizin iş axtararkən üstünlüyünüz sayılacaq. 

Olmayan İnternatura - 2011ci ilədək internatura Stomatologiya məzunlarına əlavə 1 il təcrübə qazandırırdı. Lakin artıq bu təcrübədən məhrum olan yeni məzunlar ya Rezidenturaya imtahan verib ixtisaslaşır ya da Azərbaycan qanunlarının məhdudlaşdırması olmadığı üçün heç bir assistentlik müddəti olmadan sərbəst işləyə bilirlər. Əgəz zamanınız varsa Bakıda heç olmazsa 1 il iş təcrübəsi (RƏSMİ!) qazanıb elə gəlin. 

Almaniyada Rezidentura - Bir çox məzunlarımızın istəkləri Almaniyada ağız cərrahiyyəsi / Ortodontiya sahəsi üzrə rezidentura keçməkdir. Lakin Alman qanunlarına görə rezidenturaya başlamadan öncə Azərbaycanda və ya Almaniyada ümumi stomatologiya üzrə minumum 1 illik iş təcrübənizin olması məcburidir.